Ab nahin jaoonga drive pe, had hoti hai...

Wo bhi akele....225 miles!

Socha tha ki yahin apne aparment ke aas-paas jara drive kar loon, lekin kab mein itni door nikal gaya pata hi nahin chala.

Lekin maja aa gaya.

Pehle pauncha Monroe, phir Sultan, phir Gold Bar, phir to pata nahin chote-mote sheher aate gaye. Ek jegeh rukar gaadi mein gas dalwayi. Phir chal pada aage. Kai baar socha laut chaloon. Lekin chalta hi gaya mein paglon ki tereh. Tej dhoop aur thandi hawayan. Aur meri favorite Bryan Adams, Michael Jackson aur Maddona ki songs. (Ek purani CD mil gayin thee mujhe, bas wohi sun raha tha).

Phir mein gujra Stevens pass se, bhaiyya abhi bhi sadak par barf jami hui thee! Chalta gaya. Aaa gaya Deception Falls. Lekin wo bandh tha. Isliye ruka nahin. Aa gaya Leavenworth, the Baverin Town. German logon ka ek bahut payara se artistic town, just like a european town, and very different from typical american town. Wahan par mein jakar confuse ho gaya ki city center kahan hai, halaki kai baar gaya hoon. Meine socha ki yaar aage chalta hoon, kaun dhoonde city center. Chal pada. Freeway ke side mein ek jegeh fruits and vegetables ke sale thi. Wahan ruka. Kuch apple cotlets, yahan ki famous apple se bani choclate khayi. Bahut meethi thi. Kuch namkeen khane ka man hua. Lekin kuch nahin tha. Sab kuch meetha hi tha. Hey raam kahan phasa. Chal pada. Aaa gaya Cashemere, the apple cotlet candy factory town. Socha isme mein factory dekhoonga. Lekin hai meri kismat, wo sab bandh thee. Ab kya karoon. Kuch nahin to wahan ek tools ke sale lagi hui thee. Wahan se meine ek measuring tape khareeda. Bhagwan jane kya karoonga, lekin us waqt useful laga.

Phir chal pada. Is baar socha ki laut loon. Lekin bhook lag rahi thee ab. Aur is Cashemere mein sabkuch bandh tha. To isliye aage chal pada. Pauncha Wenatchee. Ek bada accha khasa town. Yahan par khana ke liye charo taraf dekha ki kuch mil jaye. Lein sab jegeh american junk khana. Ant mein mila ek mexican restaurent Tequilas. Ruk gaya. Baith kar Chalupa khaya. Jo mein US mein kha kha kar aati aa gaya hoon. Lekin ab bhook mein to insan kuch bhi kha leta hai. Kha liya. Ab socha laut loon. Lekin aise kaise. Thoda aur aage gaya town mein. Dikha Farmers Market. Lekin wo 1 baje hi bandh ho gaya tha. Aur mujhe ho chali thee shaam. Lekin wahan meine jakar car park kari. Achanak se mujhe Columbia River dikhi, jo Wenatchee town mein se jaa rahi thee. Bahut vishal. Bahut der tak river dekhta raha. Phir mein laut chala. Finally.

Beech mein Rest Area mein rukar free wali chai, coffee, cookies leen. Ye system yahan ka bahut accha laga. Musafir thak jaye to uska bhi intejam hai intervals par.

Phir non stop chalta gaya. Andheri raat ho gayi. Bas samne wali gadi dikh rahi thee. Bahut der tak drive karo to hypnotism sa ho jata hai. Isliye meine radio sunna shuroo kar diya.

Finally ghar paunch gaya. Aur soch raha hoon ki kyon gaya. Isse accha kuch kaam hi kar leta.