Got my favorite soap!

aaj shaam ko nikla, yuhin.

jaise hi nikla waise hi shuru hui tej baarish. Bahut tej. Hawayen jor se chal rahin hain aaj subah se. Isliye aur bhi maja aa gaya.

man kara ki snowqualmie falls jaaon. wahan spring time mein jharne ka flow bahut badh jata hai. upar se khade hokar dekho to bhi bheeg jao. aisa lagta hai ki badalon ke beech mein jakar khade ho gaye ho.

pehle car mein gas dalwayi. phir interstate-90 (I-90) pe pauncha. meri favorite freeway. wahan jakar meine apni car ki khidkiyan aur moon roof khol leen. mein to itna nahin bheega jitna bhar gaya meri car mein paani. ab 80 miles (120km) per/hour par bheegna mushkil hai, ye mujhe baad mein realize hua.

baarish ki wajah se kuch nahin dikh raha tha. lekin ab chal pada tha to kaise laut jata.

snowqualmie valley jegeh mujhe hamesha pasand aayi. jab bhi jao to aisa lagta hai ki pata nahin kahan aa gaya hoon. ultimate beautiful american country side. charo taraf snow peaked mountain ranges. ek purani railway line, uspar ek engine koile wala, passenger dibbe, chhote-chotte bridge. Yellow-Green wale ped-pattian. colorful logon ke ghar. door-door tak koi nahin dikhega waise.

to aakhir mein aa gaya falls. baarish mein bhi logon dekhne aaye the. to meine socha meri tereh aur bhi pagal log hain jinhe baarish mein chain nahin. mein akela nahin hoon. lekin falls is baar kuch slow hi tha. kyon ki northwest mein snow hi nahin padi jyada.

baarish to baarish ab to ole padne lage the. hawa itni tej, ki agar chatri kholo to wo ud jaye.

isliye mein ab falls ki ek souvenier shop hai, wahan chala gaya. bahut sal pehle (3/4) meine yahan se ek soap khareeda tha. jo mujhe bahut accha laga tha. kai baar socha phir se lekar aaonga, lekin kabhi yaad hi nahin raha. soap bhi bade ajeeb type ka. made of everything natural, and handmade. nahon to aisa lage ki snowqualmie valley mein bheeg kar aa rahe ho. lekin wo soap to ab tha hi nahin. bahut search kara. ant meine owner se poocha. to usne kaha ki ek corner aapne miss kar diya. meine wahan dekha to mil gaya. owner kehne lagi this is the last piece we have got. ab ye soap ham nahin sell karte. thank god, mujhe mil gaya. meri to khushi ka thikana hi na raha.

phir mein lauta aaya. laute hue different raste liya via fall city, tolt, and duvall. ye bahut chote-chote pyare se gaon wale sheher hain yahan ke. ye wala rasta mujhe bahut pasand aaya. 203-North. sadak ke dono taraf lambe-lambe sukhe hue ped. sadak bhi tedi-medi, uchi-neechi. speed 55mph. raste mein ek fresh vegetables ki hut padti hai. apni sabzi-mandi wali feeling aati hai. jee kare to yahan se khareed lo.